രീതി ശാസ്ത്രം

വല്ലാതെ കൊതിക്കുന്നു ഞാൻ

ഒരു ശാസ്ത്രജ്ഞനാകുവാൻ 

രീതികളുടെ ശാസ്ത്രജ്ഞൻ

ശാസ്ത്രത്തിന്റെ 

രീതികളെക്കുറിച്ച് പഠിച്ചതിൽ പിന്നെ 

രീതികളുടെ തത്വശാസ്ത്രത്തെയും 

ചാലനശക്തികളെക്കുറിച്ചും 

പഠിച്ചു

കണ്ടും കാണാതെയും 

രീതികൾ പലതും 

പറഞ്ഞും പറയാതെയും നോക്കി 

ഒടുവിൽ ഒരു രീതിയും 

വരുതിയിലാക്കാൻ പറ്റാതെ 

ഒരുമാതിരിയായി 

ഇപ്പോൾ ഞാൻ അറിയപ്പെടുന്നത് 

ഒരുമാതിരി ശാസ്ത്രജ്ഞൻ എന്നാണ്...