തുടക്കം
------------
തൊട്ടു നിൽക്കാതെ, യിനി
നോക്കി നിൽക്കാതെ-
യരികത്തണഞ്ഞു
കൈകോർക്കാതെ,യീ മുഖം
പാതി മറച്ചിനി നേരിടാമൊന്നായ്
കൊറോണയാൽ
തീർത്തോരിരുണ്ടകാലം.
മാരിയല്ലോ മഹാമാരിയല്ലോ...
ദീപനാളം കൊളുത്തുക
മാറട്ടെ,
സൗഖ്യം വരിക്കുക നാം...
ഒടുക്കം
------------
കൈക്കഴുകിക്കഴുകിക്കുഴഞ്ഞെന്റെ
തേവരെ..
എത്ര നാളായിനിയെത്ര നാളോ
മുഖം പാതിമറച്ചൂ
നടന്നെന്റെയോർമ്മകൾ പാതിയും
വേരറ്റു, നീരറ്റടർന്നു പോയീ...
കാക്കുവാൻ വയ്യിനി തേവരേ നീയെന്റെ
വീട്ടിലേക്കുള്ള വഴി പറയൂ... !
No comments:
Post a Comment